صندوق الصداقة…………..؟؟؟
أولا نبدأ من عند الأسم………ليه أخترنا الأسم ده…….؟
يمكن طول عمرنا نفضل ندور على الصديق ممكن وفى معظم الأحيان مش بنلاقيه
لان دائما بنرسم له صورة فى خيالنا، ونختاره شخصية من زمن الفرسان اللى عاد
نادر الوجود ولكنه موجود ، دائما نتمناه مخلص صادق أمين متفانى يكون مرآه لك
يوريك عيوبك قبل مزاتك يقف جنبك وقت الشدة يكون ظهرك عندما تحتاج اليه.
على فكرة ده مش كلام شعر وليه قصائد ولكن ده اللى بنتخيله دائما فى الصديق الأن
الصديق الحقيقى هو حب لايموت باقى بقاء الدهر.
ومن هنا جاءت فكرتنا أن أحنا نكون مجموعة تجسد هذا المعنى مش بقول أن كل
واحد فينا يمثل هذا الفارس (الصديق الحقيقى) ولكن كلنا نمثل فارس أى بمعنى
الكل فى واحد والواحد فى الكل. بمعنى أدق كل منا قد تكون فى صفة من هذه الصفات
فيكملها له الأخر ، وكمان أحنا عندنا عيوب بس الميزة فينا أن احنا بنحاول
نقومها لبعض.
ده المعنى اللى حبيت أعرفه فى البداية عن معنى الصندوق اللى أحنا أخترناه
كتابه الاخت reham abdelwahab
رئيس الصندوق السابق
22 ديسمبر, 2007 في الساعة 7:09 ص
بالنسبة لمعنى الاسم فده شىء متفق عليه
ومنتهى
بس يا ريت الناس كلها تكون حاسة بيه
وخاصة الاعضاء الجدد
والاعضاء القدامى اللى معانا وخلاص
بس ايه مشاركاتهم؟؟
اعتقد انها مشاركة معنوية من الدرجة الاولى
والمصيبة انها هتفضل كدة
انا متأكدة
30 ديسمبر, 2007 في الساعة 9:14 م
اتمنى ان احنا نفضل بس أصدقاء حتى ولو فى الذكريات
23 يونيو, 2008 في الساعة 4:29 ص
المنتدى بتاعنا ده كان احلى فكرة تجمعنا كلنا مع الصندوق ، وبصراحة اليوم لما بيعدى من غير ما نشوف المنتدى بيكون يوم صعب ، يا ريت نكون كلنا حريصين على دخول المنتدى بصورة يومية ونحاول نخليه يكبر ويعلى اكتر ، دى امنية شخصية منى للمنتدى وطلب من كل الاعضاء ان هما يكونوا حريصين على الارتقاء بالمنتدى وياريت محدش يتحجج بالظروف والانشغال لان هييجى وقت نندم فيه على اننا ضيعنا من ايدنا فكرة زى الصندوق وزى المنتدى بتاعنا . ربنا يجمعنا دائما على خير وحتى ان افترقنا تكون بيننا جميعا ذكريات الخير اللى كان بيننا والاخوة فى الله التى كانت تجمعنا وان شاء الله تدوم .