fishzoo
10-05-2007, 08:00 PM
يا ريت بقى حد يتكلم عن الصندوق بتاعكم ده
وعن عدد الاعضاء
وفكرة الصندوق
يعنى بمعنى اصح تعرفوا الناس بالصندوق العظيم ده
وبكل افكاره ومبادئه
والاسس اللى هو قائم عليها
عشان لو فى حد من الشغل عاوز يشترك
يكون على نور من الاول
ويبقى عارف هو بيتكلم مع مين
وبيتعامل مع مين
وربنا يوفقنا جميعا
abdo9111
10-05-2007, 11:03 PM
فكرة عظيمة يا fishzoo
وخاصة ان بدأ الصندوق يتبلور ويتحطله قوانين وشروط
ويريت اللى يتكلم الدكتورة
reham abdelwahab
علشان هى مسكت المتحدث الرسمى للصندوق دلوقتى
وبصراحة انا شايفة غايبة بقالها فترة عل المانع خير
وشكرا
مسلمة منقبة
10-06-2007, 10:32 AM
فعلا الموضوع جميل اننا نتكلم على الصندوق
تحت عنوان مثلا
ماذا تعرف عن صندوق الصداقة ؟
تعريف صندوق الصداقة
صندوق الصداقة صندوق الدنيا
لو حبيت تعرف ادخل هنا
يعنى
فعلا هيبقى موضوع جميل والمشاركة متاحة لكل اعضاء الصندوق لان كل واحد منا له وجه نظر من ناحية مختلفة فاكيد هيكون الكلام جميل قوى
يلااااااااااااا نبدأ
Hydro
11-24-2007, 03:22 PM
:36_1_39:السلام عليكم ورحمة الله وبركاته
اولا انا سعيد بيكم خالص وفرحان بالروح الجميله اللى بينكم ونفسى ابقى صديق لكم ونفسى في حاجة يا ريت يعنى تتحقق بس الاول عايز اسال سؤال هو الصندوق دة للناس اللى شغاله معاكم في المعمل بس ولا ممكن ناس من برة تشارك فيه وهل الاجتماعات بتاعتكم دى للمؤسسين بس ولا لجميع اعضاء الصندوق يا ريت الرد دا كان السؤال الطلب بقة ان انا عايز ابقى معاكم في الصندوق ممكن متقولوش لا ارجوكم
aymn52
11-24-2007, 04:54 PM
اهلا وسهلا وميت مرحبا بيك
تأنس وتشرف
ادخل على المدير العام للمنتدى
الاخ / عبد الرحمن خطابى وهوا يسلمك ورقه الاشتراك وتدفع رسوم الاشتراك والدمغات وخلافه ولازم تمضى على الاقرار الخاص بالصندوق ويشوفك هل تنفع ان تكون عضو فيه ولا لا
انا على فكره عضو جديد والاشتراك مش كبير بس لازم تكون ملتزم بالشروط
reham abdelwahab
11-24-2007, 07:12 PM
أولا أحب أرحب بيك عضو جديد معانا فى المنتدى يارب موضوعاتنا تعجبك وكمان ياريت تضيف لنا معلومات جديدة ممتعة وشيقة ومفيدة فى نفس الوقت
ثانيا مش اللى عاوز يصاحب حد لازم يعرفه أولا وأحنا للأسف ليس لدينا أى معلومات عن حضرتك ممكن تعرفنا بحضرتك الأول؟
مسلمة منقبة
12-08-2007, 01:13 PM
الله كويس يا جماعة هو بقى فى ناس من برة الشغل كمان عايزة تشترك معانا
بس احنا متكلمناش قبل كدة فى النقطة دى خالص بس اكيد هتكون مطروحة للمناقشة وخصوصا لما يكون الاخ قال ياريت بلاش تقولوا لاء
عجبتنى قوى الجملة دى حسيت فيها فعلا بصدق وحب للصندوق وكمان اقتناع
على العموم الفكرة مطروحة للمناقشة
والله المستعان