حماده تعالى اشرب اللبن

ماما قالت لحمادة اشرب اللبن يا حمادة مارضيش حمادة


قالت له اشرب اللبن يا حمادة احسن ما انده العصاية مارضيش حمادة



فراحت ماما للعصاية قالت لها يا عصاية تعالى اضربى حمادة

عشان حمادة مش عايز يشرب اللبن



قالت لها : لا



راحت للنار قالت لها يا نار تعالى احرقى العصاية عشان العصاية

مش عايزة تضرب حمادة عشان حمادة مش عايز يشرب اللبن



قال لها : لا



راحت للمية قالت لها يا مية تعالى طفى النار عشان النار مش

عايزة تحرق العصاية عشان العصاية مش عايزة تضرب حمادة

عشان حمادة مش عايزة يشرب اللبن


قالت لها : لا



راحت للبقرة قالت لها يا بقرة تعالى اشربى المية عشان المية

مش عايزة تطفي النار عشان النار مش عايزة تحرق العصاية

عشان العصاية مش عايزة تضرب حمادة عشان حمادة مش عايز

يشرب اللبن



قالت لها : لا


راحت للحبل قالت له يا حبل تعالى اربط البقرة عشان البقرة مش

عايزة تشرب المية عشان المية مش عايزة تطفى النار عشان النار

مش عايزة تحرق العصاية عشان العصاية مش عايزة تضرب حمادة

و حمادة مش عايز يشرب اللبن


المرة دى بقى ....... الحبل قال لها : لا


راحت للفار قالت له يا فار تعالى قرقض الحبل عشان الحبل مش

عايز يربط البقرة عشان البقرة مش عايزة تشرب المية و المية

مش عايزة تطفى النار عشان النار مش عايزة تحرق العصاية

عشان العصاية مش عايزة تضرب حمادة عشان حمادة مش عايز

يشرب اللبن



قال لها : لا


راحت للقطة قالت لها يا قطة تعالى كلي الفار عشان الفار مش

عايز يقرقض الحبل و الحبل مش عايز يربط البقرة و البقرة مش

عايزة تشرب المية و المية مش عايزة تطفى النار و النار مش

عايزة تحرق العصاية و العصاية مش عايزة تضرب حمادة و حمادة

مش عايز يشرب اللبن


مممممممم.... برضه قالت لها : لا


راحت للكلب قالت له يا كلب تعالى كل القطة عشان القطة مش

عايزة تاكل الفار و الفار مش عايز يقرقض الحبل و الحبل مش عايز

يربط البقرة و البقرة مش عايزة تشرب المية و المية مش عايزة

تطفى النار و النار مش عايزة تحرق العصاية و العصاية مش عايزة

تضرب حمادة عشان حمادة مش عايز يشرب اللبن


الكلب بقى كان جعان



فقال لها : حاضر


راح الكلب جرى ورا القطة راحت القطة جارية ورا الفار راح الفار

جرى ورا الحبل و الحبل جرى ورا البقرة و البقرة جريت ورا المية

و المية جريت ورا النار و النار جريت ورا العصاية


و العصاية جريت ورا حمادة



و حمادة جري وراح شرب اللبن

ايه الجمال ده يا احمد

بس تفتكر لو الواحد اتبع الطريقة دى مع العيال

هيشربوا اللبن؟

انا عن نفسى عندى بيشربوا اللبن
من غير ما اتكلم
حتى بقولهم اللبن كل شوية سعره بيزيد
ارحمونى وخفوا شوية من شرب اللبن
:):):)

ايه الجمال ده يا احمد

بس تفتكر لو الواحد اتبع الطريقة دى مع العيال

هيشربوا اللبن؟

انا عن نفسى عندى بيشربوا اللبن
من غير ما اتكلم
حتى بقولهم اللبن كل شوية سعره بيزيد
ارحمونى وخفوا شوية من شرب اللبن
:):):)

هههههههه
خليتيني أحس بمعني جديد للامومه أصلنا دايما بنسمع الأم بتشتكي من أبنها اللي مابيشربش اللبن
أيوه كده خلي الدنيا تتغير ويبقي في جديد

انا لو حكيتلك يا سوزى
عن حالة الامومة اللى انا باعانى منها
تأكدى ان كل حاجة فى حياتك تتغير
مش مفهوم الامومة بس
لانى لو حكيت هاحكى بلاوى زرقاااااااااا خالص

كفاية كدة
وكل سنة وانت طيبة

ايه الحاجات الحلوة دى
بس هو اللبن بكام دلوقتى؟؟؟؟؟؟؟؟؟؟؟؟؟؟

طيب ما كان من الاول يا حمادة لازم تجيب الكلام للناس دول كلهم وبعدين انا بعتب على الام دي ما كانت تشوف عصايا تانية غير دي بدل ما تلف على الدنيا كلها وتفضح حمادة بالطريقة دى حمادة بقة ازاى يلعب مع العيال بعد التشهير اللى حصل له دة يا ريت يا جماعة كل ام تخللى بالها وتفكر شوية ومتتسرعش علشان الفضايح بس اصل الحكاية طالما وصلت المنتدى هنا مبقتش فضيحة وبس دي بقت فضيحة بشخاليل هههههههه باى يا حمادة ما تجيب شوية بقة