عرض الاصدار الكامل : حمادة عزو والحضارة الضائعة
abdo9111 10-01-2007, 12:09 AM من بين كل المسلسلات التى عرضت فى رمضان
شدنى مسلسل يتربى فى عزو
بصراحة اول ما شوفت المسلسل أصابنى الاحباط
بس بالصدفة سمعت أغنية النهاية
سمعت هشام عباس المغنى بيقول
بتعيد وتزيد فى الحضارات قوم اعمل حاجة وورينا
بقى جدك يبنى اهرامات وعيالك يلعبوا فى الطينة
حد أخد باله من المعنى؟؟؟
طيب برضه كان بيقول جتنا 67 خيبة
حد فهم المعنى
ممكن لو حد فهم يفهمنى
وتبقى حلقة نقاش مثل التقة..................؟؟؟ فكرنها..؟؟
مسلمة منقبة 10-01-2007, 12:49 AM المعنى فى بطن الجبل
aymn52 10-01-2007, 01:01 AM انا للاسف مش بتفرج على مسلسلات اهو بريح نفسى من التوتر اللى
فيها
بس القضيه اللى حضرتك فتحتها قضيه كبيره مش تسيعها اغنيه ولا مسلسل
وهى الوطن والمواطن وحال البلد كلام كتير نفسه الواحد يتكلم عليه بس حد هيسمع ولا هنتكلم فى مكان فاضى وبعد الكلام ما هنلاقى اى فعل
على العموم ربا صمت ابلغ من اى كلام
ودمتم بخير
Ahmed Diab 10-01-2007, 01:03 AM يا أخى العزيز أنت بتتكلم فى جملتين وركزت عليهم طيب لما تسمع باقى الكلام اللى الأخ هشام عباس بيقوله فى الأغنية والأستاذ الدكتور المحترم يحيى الفخرانى بيمثله فى المسلسل نقول أيه على ما أظن مفيش أحسن من " أنجغا أنجغا يا قلبوظة يا صغير يا أبن المحظوظة " ولسه يا ما نشوف يا صديقى العزيز لو جت على الحضارة يبقى سهلة دة من الواضح أنها أكبر من كده " دا ننوس عين مامته" أكمل يا عبدالرحمن ولا أقولك كفاية كده " أنتخا أنتخا "....................؟
abdo9111 10-01-2007, 01:39 AM اوضحلكم
عينى على زمان كانوا بيمخمخوا ولا ميت زلزال كانوا يتلخلخوا
فينكم يا محمد يا هاشم هو اللى كان هايحل اللغز
برضه المعنى فى بطن الشاعر مش الجبل يا فتاه الاسلام
صدقنى يا أيمن انا كمان مش من هواة المسلسلات خالص لعربى ولا أجنبى
بس بحب الأفلام
بس اللى شدنى للمسلسل انه ليحيى الفخرانى والراجل ده بصراحة بحترمة والغريب ان المسلسل كان غريب وفيه ناس كبار كبار ومحترمين بس القصة بدأت غريبة
لاحظوا التسلسل
اوضحلكم اكتر.........
عزو باشا صاحب الحضارة الكبيرة حضارة وعراقة وأصل وفصل
ولاد عزو باشا بيقولوا احنا برضه ولاد حضارة عزو
ومفيش عمل.......................
تابعوا
وهاقولكم حاجة
القصة دى متشابهه مع رواية عودة الروح لتوفيق الحكيم عارفينه ولا..........
fishzoo 10-01-2007, 02:19 AM بص يا عبد الرحمن
انا طبعا اصلا مبتفرجش على التليفزيون
زى كتير منكم لانه ظاهرة مش صحية بالمرة
وعلى راى اخونا ايمن بنريح راسنا من الوش بتاع الحاجات اللى فيه
لكنى سمعت الكلمات بتاعت الاغنية بالصدفة
واللى فكرت فيه
هل فعلا المسلسل ده متعمق فى القضية المطروحة
ولا مجرد كلمتين فى اغنية والموضوع بتاع المسلسل
ملهوش علاقة بيها؟
المهم هى القضية مهمة جدا وانا عاوزة اتكلم
بس عاوزة اتكلم براحتى
ممكن ولا هتقولى بلاش سياسة؟
انا فى انتظار الرد
abdo9111 10-01-2007, 01:41 PM مش معنى السياسة ان انا اجيب شخص واذكرة بالاسم ؟؟
احنا مش متزمتين يا ستى
وعلى فكرة دى ملهاش دعوة بالسياسة
ليها دعوة بالجانب الاجتماعى فى البلد
ويريت نسمع كلامك يا fishzoo
fishzoo 10-01-2007, 03:30 PM ازاى ملهاش دعوة بالسياسة يا عبد الرحمن
حضرتك مش عارف ان المجتمع ده كله عبارة عن منظومة واحدة
يعنى المفروض ان الجانب السياسى متداخل مع الاجتماعى مع الدينى مع الاخلاقى
وهكذا..............
لان حدوث خلل فى اى من هذه الجوانب
يؤثر بالسلب على باقى نواحى الحياة
طبعا بالنسبة لل67 خيبة فهى واضحة جدا
وده اول دليل يا عبد الرحمن على كلامى
ان الموضوع لازم هيكون له علاقة بالسياسة
ومن كتر التداخل ده ساعات الواحد مبيكونش قادر يحدد العيب فين
يعنى متكونش عارف ان كان سبب المشكلة خلل اجتماعى ولا خلل سياسى
ولا ثقافى و..............
يعنى فى حالة زى اللى قدامنا اللى اسمه حمادة ده
انا سألت وعرفت ان هو واحد متدلع ومامته هى السبب فى اللى بيحصله
بسب دلعها الزايد عن اللزوم
لكن هل هى دى القضية اللى عندنا
مشكلة واحد مامته دلعته
المشكلة زى ما الاخ العزيز ايمن لخصها فى انها الحال التى وصل اليها
الوطن والمواطن
الوطن الذى اصبح غريبا
الوطن الذى دائما ما نتحدث فيه عن ما صنعه اجدادنا
فراعنة ولا مسلمين ولا اى حد من اللى عملوا لنا الحضارة
كل كلامنا عن الماضى واللى اتعمل فى الماضى
لكن احنا ايه؟!
احنا بنعمل ايه
بنخترع ايه ولا بنبتكر ايه
ولا بنعمل انجاز واضح ومحدد فى ايه فى حياتنا؟
احنا مبنعملش اى حاجة
يا ترى اللى بعدنا هيلاقوا حاجة يتباهوا ويفتخروا ويقولوا ده احنا اللى عملنا كذا
للاسف مش هيلاقوا اى حاجة
ويمكن دى تكون حاجة كويسة
عشان يتكسفوا ويتحركوا ويحاولوا يعملوا اى حاجة فى حياتهم
احنا زى ما احنا واقفين محلك سر
لا بنقدم خطوة ولا..
لأ الحمد لله بنأخر 100 خطوة
يعنى زى مبيقولوا مش عارفين حتى نحافظ على الانجاز اللى قبلنا تعبوا وعملوه
يا ترى العيب من مين؟
العيب من بابا وماما
ولا العيب من اصدقائنا واصحابنا
ولا العيب من قرايبنا وحبايبنا؟؟؟؟
لأ العيب من حاجة واحدة اساسية
لكنها شاملة حاجات كتير معاها
العيب من سياسة حياتنا
السياسة اللى مثبتة كل حاجة فى مكانها
السياسة اللى كاتمة على نفس البشر ومش مخلية حد يقول حاجة صح
ولا حتى يعمل حاجة صح
العيب من السياسة اللى لحد دلوقتى مش مخلية عندنا بحث علمى على اصوله
يخلينا نخترع ونبتكر
اللى الواحد لو اخترع حاجة نادرة تخليه ولا كأنه عمل حاجة
وعشان كدة يطلع برة ويطلع افكاره للاغراب
ويستفيدوا منها ويحققوا انجازات
بس مع الاحتفاظ بنسب المخترع لمصر
لكنه عمل ايه لمصر ؟
مفيش وده غصب عنه لأنه ملقاش اللى يسمعه
ويساعده ويستفيد منه
زى العيلة بتاعت عزو دى
هما بيتكلموا عن تاريخهم وعن امجادهم
لكن هما دلوقتى ايه ؟
ولا حاجة
ولا قادرين يحافظوا على تراث اجدادهم
ولا بيعملوا حاجة يقولوا بها ان هما موجودين
صدقنى يا عبد الرحمن الخلل مش اجتماعى بس
ده خلل على جميع المستويات
وكفاية كدة لان اعصابى تعبت
وعاوزة اتكلم اكتر من كده
بس خايفة حد يزعل منى
Ahmed Diab 10-01-2007, 04:05 PM أكثر ما أعجبنا فى هذا الموضوع ليس الحديث عن حمادة عزو " أنجغا يا قلبوظة" ولا عن الست ماما نونا ، لا والله أكتر حاجة أننا بنتحاور وبنتكلم وبنرد على بعض واللى نفسه فى حاجة بيقولها وبنتجادل ومعنى أن فى جدل يعنى فى حوار ، هو بالطبع أحنا مش ملايكة ولا هنغير الكون لان تغيير الوضع أكبر مننا ومحتاج حاجات كتير علشان يتغير مننا ومن غيرنا ومن اللى قبلنا ومن اللى بعدنا ده حاجة زى صراع الحضارات حاجة تتعب الأعصاب وتجيب الضغط والسكر المهم أنا معجب جدا برأى الزميلة فيش زوو وبداية الموضوع من قبل أخى عبدالرحمن ومش مع ايمن فى اننا علشان مش بنشوف التليفزيون يبقى مش ننقد وضع مش عاجبنا أو ندفن رأسنا فى الرمل زى النعام ، لا لابد أن نتكلم ونتحاور يمكن يكون ده هو الملاذ اللى ممكن نفرغ فى طاقتنا
وللحديث بقية ما دمت معكم وما دومتم معى أصدقائى العزاء...؟
fishzoo 10-01-2007, 07:29 PM على فكرة يا احمد
النعامة بتدفن رأسها فى الرمال بحثا عن الماء
دى اخر حاجة وصلتنى عن النعام
يعنى حتى لما بتدفن راسها فى الرملة
بيبقى عشان تعمل حاجة مفيدة
واحنا اللى ياما ظلمنا النعام
suzan 10-03-2007, 07:51 PM أنا بتفق مع fishzoo في رأيها وبشكرها علي المعلومه الخاصه بالنعامه
أما عن حماده عزو، في أول رمضان شوفت لقاء للراقصه فيفي عبده وكانت في حاله من الغضب عندما قالت( إذاي أفتح القناه الأولي ولا التانيه قنواتنا المحليه وأسمع حد يقول ألفاظ ذي خيبه!) وطبعا مش بس الكلمه دي اللي ممكن حد يغضب منها
الكليمات كلكم عارفينها وطبعا أنا بشكر (الست فيفي) أنها أخدت بالها ومأعتبرتش أنه عادي
وبصراحه كان لازم يقول جاتكم 1967 خيبه مش 67 !
ده طبعا غير الكلام السوقي المقذذ اللي في غنوة التتر
اللي إستفزني في المسلسل ،الشخصيه المستهتره في البطل حماده والشخصيه الجاده جدا في نوال اللي عاشت 20 سنه في ألمانيه وكإن الإستهتار والتسيب (للمصريين فقط)
وطبعا الحياه ماينفعش تكون سايبه ذي حماده ولا جاده قوي ذي نوال
الحقيقه أنا كنت عايزه أتكلم في إعلان مضايقني قوي
واحد قاعد عل القهوه بيلعب طاوله والصوت بيقوله أنت قاعد ليه روح أشتغل في المصنع والشاب مش موافق أصله تعليم عالي كلام في سرك كلية تجاره
وطبعا مابقاش في وظايف في البلد وكلنا عارفين كده وقالوها بكل صراحه
والشغل مش عيب
بس أنا اللي مضايقني إن الإتجاه دلوقت أصبح في تشغيل (المصريين) في المصانع
(عمال) بحجة شوفوا الواد الكسيب! ومافتوش القطر
طيب السؤال دلوقت المصانع دي ملك مين؟ وطبعا الحكومه بقت تشجع القطاع الخاص!
مين اللي ممكن يشتري البلد أقصد المصنع و.........و.........................!
أنا خايفه ننتقل من الحياه في مسلسل حماده عزو إلي مسلسل الوسيه القديم بعد ماقولنا خلصنا منه وأنتهي خايفه نرجع نعيش فيه
فاكرينه؟
ربنا يستر والأيام اللي جايه ماتخلناش نفتكره (لو كنا نسناه)
abdo9111 10-03-2007, 09:44 PM بجد يا سوزان اللى انتى خايفه منه واللى قولتيه هو اللى بيحصل
وزى ما قولتى تم والحمد لله الاعتراف بان البلد أصبحت أسوأ يعنى اللى معاه شهادة زى اللى مامعهوش
وده معناه ان التعليم انقضى عليه فعلا
ويكفينا فخرا أن السيد وزير الصحة قالها علنا
يا جامعات معدناش عاوزين أطباء
يعنى بيقول لكلية الطب اقفلى ابوابك
طيب ليه بقى بنجيب ناس من بره وليه لما واحد بيطلع على المعاش بنمدله بالخمس سنوات
مش يطلع على المعاش ومكانه يتعين 7 او تمن اوحتى خمسين خريج يتعلموا بكفاءة بدل ما يتبهدلوا ويشيله الطين
يااااااااااااااااااااه الكلام كتير فى قلبى وان فتحت مش هاعرف اقفل
بس برضه فى عامل علينا ايه هو معرفش
انا حاليا بدور عليه يمكن الاقيه
ahmed_ragab 10-04-2007, 12:13 AM بصوا يا جماعة انا هقولكم وجهة نظري في الاعلان مش في حمادة دلوقتي
احنا كلنا عارفين ان البلد حالها مش زي الاول في الشغل بمعني ان الشغل دلوقتي في اي مجال فيه كثافة (بطالة مقنعة)
طب الناس تعمل ايه ؟
تسرق؟
لا طبعا الحل علي مرحلتين
اولا الرجوع الي الله و الدعاء باصلاح احوال المسلمين
ثانيا علينا بـ :
1- تغير فكرة ان الشغل ميبقاش شغل الا اذا كان حكومي.
2- الشغل في اي حاجة ما دامت غير محرمة و اذا كانت في قدرات الشخص.
3- تغير العادات و التقاليد التي تنظر الي بعض العاملين في تخصصات معينة نظرة متدنية.
فيوجد وظائف شريفة ومحترمة لكنها غير مقبولة اجتماعيا بسبب الثقافة السائدة و العادات
و اخيرا عندي سؤال هو المؤهل العالي اللي مش يرضي يشتغل عامل في مصنع لو اتعرض عليه يشتغل خارج مصر نفس الشغل او اقل منه درجة هل سيوافق ام لا ؟
يا ريت الاجابة تكون بالتعليل؟؟؟
مسلمة منقبة 10-04-2007, 12:28 AM يعنى يا سلام بقى الحاجة فيفى مش عاجبها الكلام
بتاع التتر
غريبة والله
Ahmed Diab 10-04-2007, 12:56 AM أصدقائى الأعزاء بلدنا والله كويسة وفيها ناس كويسين بس للأسف مش بيظهروا اللى بيكونوا واضحيين الا بيعتبروا نفسهم الصفوة وأكيد أنتم عارفين هم مين............. ؟ السادة الحرامية والمنافقين طبعا . ده مش مهم خلينا فى موضوع الشغل والشباب اللى أنتم أتكلمتم عليه ، لن يكون هناك تغيير الا إذا كان فى طموح وللأسف الطموح مفقود لدى المعظم من شبابنا وأتمنى أننا أن شاء الله نبدا النقاش فى موضوع الطموح والشباب بعد الأنتهاء من حمادة بيه عزو ، بالنسبة لسؤال أحمد على ليه الشباب بيشتغل فى الخارج فى أى شغل ومش بيرضى بنفس الشغل فى بلده ، أنا أقولك يا أحمد الماديات وما أدراك ما أهمية الماديات بالنسبة لشاب فى مقتبل العمر ، فى أى دولة اوروبية الشغل فى اى مجال له أحترامه له أسسه اللى بيمشى عليها وعلشان كده بيكون المقابل مناسب للشغل اللى بيتعمل .
على ما أظن كفاية كده وأنتظركم فى موضوع الطموح
وللحديث بقية ما دمت معكم وما مدومتم معى اصدقائى الأعزاء
suzan 10-04-2007, 01:07 AM أنا طبعا لما أتكلمت عن الإعلان ماكنت أقصد أن الشغل لا يليق
وطبعا الشغل مش عيب وأي شغل حلال ربنا بيبارك فيه
والمفروض الشباب يشتغلوا أي عمل لحد مايوصلوا للعمل المناسب واللي بيحبوه ومافيش أي سبب يخليه قاعد علي القهوه
ولكن
اللي ضايقني لما بصيت علي المستقبل.و إن السياسه بقت أشتغل أي حاجه علشان مايفوتكش القطر وطبعا القطاع الخاص ملك مين ؟ لو مصنع واحد ملك مصري ففي عشره ملك أجنبي وبقي المصريين عايشين في الوسيه في بلدهم وعلي أرضهم وطبعا كلنا عرفين إن كل الممتلاكات المصريه أتخصصت وطبعا اللي بيشتري أجنبي وهم دلوقتي بيقنعونا أن هو ده بقي الشغل ومافيش غير كده (هتفضل قاعد علي القهوه يالا بقي روح أشتغل وأكسب وتزوج مهو لو فضلت قاعد مش هتلاقي غير كده)
أما اللي بيسافروا ويشتغلوا أي حاجه ده برده مش عيب بس عل الأقل ده بيكون وضع مؤقت ومش في بلده وفي غربه ولازم يعمل حاجه لكن يحس بالغربه في بلده!!!! إحساس صعب
يتحكم في بلده غيره وهو لايملك إلا أن يكون عامل علشان يقدر يعيش
والله أنا مابقلل من قيمة العامل أنا بقول أن المصريين هيشتغلوا عند الأجانب في بلدهم بعد كده وبصراحه الحكايه بدأت من سياسة تشجيع السياحه وكلنا نبقي في خدمة السياح اللي بيدخلوا كام دولار علشان نعيش أصل مصر مابقاش فيها فلوس ولا موارد نستغلها !!!!!!! ولا عندها ..................................................
abdo9111 10-04-2007, 05:11 AM المهم الحوار يا جماعة
انا لما اقعد اقرأ الأراء بس بستفاد
مش لازم موضوع محدد ممكن موضوع ياخدنا لموضوع
بس نقرأ ونستفاد من بعض
انا مع أحمد دياب فى موضوع الماديات
ومع سوزران فى موضوع انا حرام اتحكم فى بلدى
وأظن ده يفسر لأحمد رجب موضوع السفر
ولعلمكم انا عارف ان البلد فيها شغل
بس فعلا البلد فيها شغل مادياته قليلة تكاد لا تذكر
ولو حبيت اعمل حاجة مش هاتكمل
طبعا حاجات كتير بتقابلك كمعوقات
صدقونى اولها المحليات والفلوس اللى بتاخدها بدون سبب وبدون قانون بتاخدها بلطجة
اقولكم موقف قابلنى شخصيا
فوجئت بواحد من المجلس المحلى جاى بيقول انتم عليكم مبلغ قد كده
ليه ياعم علشان عندكم منحل
(ملحوظة النحل مش عليه ضرايب قانونا وحتى شرعا مش عليه زكاة)
طيب فلوس ايه دى قال ايه دى مش ضرايب
دى حاجة اسمها محليات
(هو لا راح ولا عارف انا حتى عندى كام خلية)
-طيب بس النحل مات فعلا السنة اللى فاتت وتعالى وشوف بنفسك هاتشوف صناديق فاضية
-مليش دعوة هاتدفع اللى عليك برضه
- عملت ابن ناس ورحت ادفع لقيت ايه
كراسة من ام ربع جنية مكتوب فيها اسامى كل النحالين فى المنطقة
وعدد الخلايا تقدير جزافى
ولعلمكم ولا واحد دافع
- طيب سجل ان انا دفعت وان النحل مات علشان متجيليش السنة اللى جاية تقول هات
- سجلت يا بيه
-ورينى كده
لقيته معلم قصادى بعلامة صح
ولما سألت فى الموضوع قالى انت غلطان انك دفعت انت مكنتش تدفع لأن ده مش قانونى
ازاى
اتضح ان الفلوس دى بتتاخد تتوزع عليهم
يعنى البلطجة من الحكومة نفسها
وتقولولى مت تكل مش فى السي اسة
حرام عليكم
متخلونيش اتكلم
يا جماعة انا كككككككنت كككككككككنت بحب بلدنا جدا بل بعشقها جدا جدا
وما زلت ولكن للأسف حامي ها حرامي ها
كفاية بقى متخلونيش اتكلم اعملوا معروف
ممنوع الكلام فى السياسه الله يعمر بيتك احنا على سيرفر سورى يعنى اخوتنا العرب وبلاش ننشر غسيلنا ال ؟؟؟؟؟
اه ماشى يا شباب
fishzoo 10-04-2007, 09:00 PM الحمد لله
انا ما جبتش حاجة من عندى
قعدتوا ورا عبد الرحمن لما وصل واتكلم فى السياسة
يعنى انا ما غلطش لما قلت ان كل حاجة فى حياتنا
السياسة داخلة فيها وبتحكمها
و..............................
على العموم بلاش سياسة
وخلى اللى فى القلب فى القلب
الى ان يقضى الله امرا كان مفعولا
abdo9111 10-05-2007, 11:19 PM معلش يا جماعة انا احترت
لى سؤال اتمنى فى حلقة النقاش دى اسمع رأى كل واحد
معلش
دلوقتى بنسمع كلنا ان فيه بنت صينية بتخبط على الباب وتقول بكل احترام (السلام عليكم انا صينية معايا حاجات تشترى حاجة) ولو قولتلها لأ علطول تلقيها قالتلك السلام عليكم وتمشى علطول
بكل احترام
وطبعا يا جماعة بنخش معارض وللأسف نلاقى فيها شباب زى الورد ونضيف جدا ويكلمك بكل احترام والشباب ده صينى
والحال ده موجود فى اسكندرية وبلطيم وراس البر والقاهرة وكل المعارض وكل المحافظات
سؤالى بقى
دلوقتى البلد اللى فيها الحال ده (مصر) كيف يعقل ان مفيهاش شغل
لو مفيهاش الناس دى مش هاتقعد هما مش قاعدين لأجل عيوننا
طيب سؤال تانى
الناس دى بتجبرك باحترامها انك تشترى منها ليه احنا فى البيع والشراء كده مش محترمين (عذرا على اللفظ)
يعنى تروح لواحد مصرى يقولك البنطلون بـ 120 علشان تنزلة بالخناقة الى 80 والبنطلون أساسا بـ 40 جنيه
تروح للصينى يقولك 40 ومفيش فصال
وطبعا انت اللى كسبان على الأقل لو مشترتش ولو قلبت المحل كله مش هايقول حاجة
اما المصرى لو جابلك بنطلون واحد مأخدتهوش يبقى نهار أبوك أسود (عذرا)
ولو انت راجل او ست هاتاخد علقة محترمة
سؤالى الأخير بقى هل احنا المصريين اللى طماعين يعنى او متسرعين او البلد بتدى للصينى اللى مش بتديه للمصرى؟؟
ارجو فتح الحوار وقولولى لأنى أصبحت متلخبط
وبصراحة كل امبادئ اللى كنت بدافع عنها بلقيها بتقع مبدأ ورا التانى
ساعدونى
fishzoo 10-09-2007, 09:44 AM مهم جدا السؤال اللى انت بتسأله يا عبد الرحمن
وحاجة محيرة فعلا
وعلى فكرة الجودة بتاعت البضاعة اللى معاهم
بتكون عالية جدا بمقارنتها مع المننتج المصرى
يعنى فى ناس مصريين بيلفوا بحاجات زى اللى مع الصينيين
لكن الفرق بيكون واضح جدا
لان الجودة بتاعت الحاجة اللى معاهم بتكون رديئة جدا
وبالتالى لازم الواحد لو فكر يشترى من اى منهم اكيد هيشترى من الصينى
لان الجودة بتاعته احسن
والسعر من الاخر يعنى مش هتحس انك بيضحك عليك
وده اللى بيخلى فى فرصة للصينى اكتر من المصرى
وبالنسبة للشغل
فاحنا بلدنا فيها شغل وشغل كتير كمان
لكن مش زى بتاع زمان
يعنى تبقى حضرتك مدرس محترم او مهندس او دكتور قد الدنيا
لالالالالالالالالالالالا
كل الحاجات دى راح عليها من زماااااااااااااااان
ولو ان المدرس بقى واخد وضعه اوى-بس ليا تعليق هاقوله بعدين
حضرتك لو عاوز تشتغل يبقى تشتغل اى حاجة فيها مرمطة
بس تكون حلال
يعنى متنتظرش وظيفة على مكتب وفى مكيف وبمرتب مغرى والكلام ده
لا طبعا
شوف اى مجال تانى اشتغل فيه عشان تقدر تتجوز وتبنى مستقبلك لانك لو استنيت
ان حاجة زى كدة تعملك حاجة يبقى انت الخسران
وعندى نصيحة اخوية من اختكم الكبيرة
انت ممكن عشان تعمل فلوس وتكون حلال
تشتغل يا اما فى الموبايلات
يا اما فى شركة ادوية-مندوب يعنى-لان والحمد لله تجارة الادوية رائجة للغاية بسبب
انتشار الامراض والحمد لله
او تفتحلك مطعم
صدقونى دى اكتر 3 حاجات شغالة
لان الشعب بتاعنا ميقدرش يعيش من غير الاكل والشرب
ولا من غير الموبايل
ده روحه وحياته فى الموبايل
ده الموبايل اهم من انه يودى ابنه للدكتور
انتم لو نزلتم وشفتم سوق الموبايل رائج قد ايه
اكيد كلكم هتفتحوا من الصبح محلات موبايل
اكتر من 80 %من الشعب مهتم بانه يشيل موبايل او ياكل ويشرب
وتعالوا دوروا معايا على مساحة الابداع او الابتكار اللى بيعملها نتيجة
الرفاهية الشديدة دى
تلاقى النتيجة زى ما بيقولوا
very big zero
يا ترى الحالة اللى احنا فيها دى سببها ايه واخرتها ايه؟
يا ترى الحال ده عاجب ناس معينة او صناع القرار بمعنى ادق
عشان كدة سايبين العملية ماشية -اسفة-جارية من سىء لأسوأ
يا ترى ايه اللى اتغير فينا وخلانا كدة
شعب مستهلك
لا ده شعب مستهلك على قد ما يقدر
بيحاول يا عينى انه يبذل قصارى جهده ويستهلك
من كل حاجة حواليه ومعاه
الا حاجة واحدة بس هو اللى بيحافظ عليها
وحريص على انها تفضل زى ما هى
وما يستهلكش منها خالص
حريص على"عقله ومخه"
على دماغه يعنى
بيخاف موووووووت لا تشتغل
انا اتكلمت كتير بس اعمل ايه
لسة عندى كتير ونفسى اعبر عن حاجات كتييييييييير
abdo9111 10-10-2007, 10:06 PM كان زمان بنتريق على ان الواحد بيكسل يشغل مخه
يقال ان اليابانى بيصحى من النوم بيهرش فى دماغة
اما العربى للأسف بيصحى من النوم بيهرش ويخبط على بطنة
:36_1_38: :36_1_38: :36_1_38: :36_1_38:
reham abdelwahab 10-10-2007, 10:16 PM على فكرة انا مش قرات ردكم كلكم لانكم تقريبا اتكلمتوا فى الموضوع ده كتير بعد اذنكم هاقول رايى الشخصى
بلدنا هى مصر كفاية الكلمة دى تتقال عشان نحس بقيمتنا أنا أصحا حضارة 7000سنة هى ماضعتش يمكن بس التراب غطاها عاوزين نجددها عاوزين نبنى حضارة جديدة تكون امتداد لحضارتنا القديمة بس لازم يكون فيه هدف نجتمع عليه كلنا عشان نجدد حضارتنا بلدنا بتتعرض لظروف صعبة كتير ويمكن احنا كل واحد فى موضعه حاسس بالظروف دى لان اللى بيحصل للفرد هو ناتج اللى بيحصل للمجتمع ككل بس لازم نغير وقعنا بان احنا نفكر فى مستقبل جديد نبنى بايدينا وكفاية ان احنا بنبدأ بخطوة زى مااحنا بنحول نكون مجموعة تخدم بعضها بكرة المجموعة تكبر وتبقى كيان متكامل يخدم وطن باكمله
abdo9111 10-11-2007, 12:00 AM فكرة عظيمة
الدكتورة ريهام جابت الحل
احنا نوزع مقشات على المواطنين
علشان نكنس التراب اللى على الحضارة
يا ستى اذا كان الزبالة ولامؤاخذه جايبين شركة أجنبية تتوالاها
مع العلم ان الزبال بتاع البلد مشتكاش ولا قال حاجة وكان بيجى بانتظام وبياخد أقل من الشركة الأجنبية
:36_1_36: :36_1_36: :36_1_36: :36_1_36: :36_1_36:
fishzoo 10-11-2007, 01:25 AM كلامك مضبوط يا ريهام
وكويس جدا جدا
لكن ممكن تقولى ازاى هنجمع الشعب على الهدف ده؟
الهدف سامى ومطلوب تحقيقه
لكن المشكلة مين اللى هيحققوا؟
عشان تحققيه لازم تقنعى الناس دى كلها بيه
ولازم يفهموا ويقدروا حجم المهمة المطلوبة منهم
ازاى هتقدرى تجمعى الناس دى على الهدف ده
وتقنعيهم ان هو ده الصح؟
وعلى رأى عبدالرحمن
حتى الزبالة رحنا جبنا شركات اجنبية تخلصنا منها
شفتى حالة الكسل اللى احنا وصلنا لها!!!
حتى الزبالة بتاعتنا-اسفة جدا فى اللفظ
مش قادرين نشيلها وبندور على اللى يشيلها بدل منا
اسكتى يا ريهام
اصل انا كنت بارفض المقولة الشهيرة "مفيش فايدة"
لكن واضح ان "سعد باشا زغلول" كان عنده
بعد نظر وكان قارى المستقبل وعشان كدة قال
"مفيش فايدة"
abdo9111 10-11-2007, 05:04 PM هو كلام ريهام صح على كبدأ ابدأ بنفسك
ولكن انا أقصد بكلام الشركة الأجنبية ان ليه مفكروش فى المصرية
طبعا المصرى بعد شوية هايقول مانا مفيش حد بيتابع معايا
خلاص اسيب ده انهارده
طيب بعد شوية هنلاحظ ان المصرى بدأ يكسل ويتكاسل
لكن الادارة الأجنبية بتدى العامل (طبعا مصرى على دماغة علشان يشتغل ويعرف ان الله حق
والفلوس اللى بياخدها دى هى حقة الشرعى ولازم يشتغل بيها
وطبعا الحاجة هاتتشال
عندك مثلا الموظفين لما تيجى تقولى لهم ده شغلكم يقولك هو انا باخد كام ن الحكومة يعنى هاتى فلوس انتى علشان اخلصلك مصلحتك انتى وكأن الشغل ده مبيقبضش عليه
نفس الحكاية فى اى حته لازم العامل ياخد على قفاه
مبيشتغلش من نفسه يعنى
حسبنا الله ونعم الوكيل
aymn52 10-11-2007, 07:25 PM بلا مقاطعه اى عضو فى الموضوع الدنيا لسه بخير ولسه مصر بخير
بس يا جماعه بصو للنص المليان من الكوبايه حرام كدا هتحطموا نفسكم وتحطموا اللى بيقرا معاكم
انا الصدف هى اللى جمعتنى بيكم الحقيقه مش كنت بفكر انى هوصل للمكان دا وفى الزمان دا واشوف اللى انا شفته بس تقدرو تقولو اقدار
وكنت مؤمن بان الفرد عليه يسعى وليس عليه الوصول للرزق اتحرك اتعلم جمع نفسك وافكار لف وشوف وانتا هتتعلم
ممكن نتبهدل ممكن الناموس يبات عليك تصبح مش تلاقى فى جسمك نقطه دم ممكن حاجات كتير وفى المقابل قليل لكن المهم انك تسعى
والحمد لله ربنا بيوفق ناس لناس ولاولا ان الجزء بيكمل الكل لاولا احنا اتجمعنا هنا فى الموقع دا واتعرفنا على افكار وعقول ما شاء الله عليها تفرح وانا لما عرضت الاستضافه على عبد الرحمن مش همنى فى فكره الصندوق الا حاجه واحده
الاتحاد التجمع اللى يفيد اعضاءه ويفيد المجال من جميع النواحى
يا جماعه احنا بالتجمع دا ممكن نعمل حاجات كتير
كل واحد فيكم كفايه يقول الدنيا خربانه والله الدنيا لسه بخير
وهتخضر اكتر واكتر بس انتو ليكم هدف واحد هنا لازم تحققوه
الاتحاد يا شباب الاتحاد ممكن نصنع بيه المعجزات
كل واحد فى مجال تخصص يعتبر نابغه ان مكنش بالتأكيد هنا احنا بنكمل بعضنا
وانا بالنسبه لى ادعولى بالتوفيق وانا اوعدكم بالمفاجاءت المتتاليه
اول الغيث قطره
وياريت الكل فهم الكمتين اللى كتبتهم ومش قرا والسلام
ودمتم بخير
abdo9111 10-12-2007, 12:56 AM شكرا يا أيمن وشكرا لكل أعضاء صندوق الصداقة
اتمنى من الله ان نفضل أصدقاء ودائما نحث بعض على الخير
وان شاء الله يبقى فيه انجازات
ودايما نبص للجزء المليان
fishzoo 10-12-2007, 02:38 AM الف شكر يا ايمن على كلامك
اللى فعلا فكرنا بحاجة كنا نسيناها خالص
-من كتر ما كنا بنتكلم عن نصف الكوب الفاضى-
وهى ان تجمعنا ده فى حد ذاته يعتبر مصدر نور
غير عادى
وان اتحادنا ده لو فى منه كذا واحد بافكارنا ومبادئنا
فان شاء الله التغيير ممكن يكون جاى
بس علينا اننا نعمل بجد واجتهاد
ونصبر حتى نجنى ثمار عملنا
ويا رب دايما يجمعنا على خير
ويوفقنا ان شاء الله لكل خير
suzan 10-14-2007, 04:31 PM أولا : كل سنه وكلكوا بخير وعيد سعيد عليكوا وعلي الأمه المسلمه
ثابيا : أنا سعيده جدا بكلامكوا ده سوا عن نص الكبايه الفاضي أو المليان لأن ده بيأكد إننا حاسين بالمشاكل اللي إحنا عايشين فيها وفهمنها كويس ومع ذلك متفائلين والحمد لله
بشكركم
:36_2_35:
elgazar 11-04-2007, 01:44 PM ابلغ رد عدم الرد
لان الكلام مش هيفيد احنا عوزين فعل
|