عندى اقتراح بخصوص كرسى الاعتراف يارب يعجبكم
من شويه دخلت انكش كده فى منتدى الحوار العام وبصراحة معجبنيش شكل كرسى الاعتراف وانه على كام جزء والدنيا كده شكلها ماريحنيش معلش انا بتكلم بلغة بسيطة مش بالفصحى بقى والكلام ده
فأنا عندى اقتراح بالنسبة للموضوع ده:
اما ان يكون هناك منتدى مخصص لكرسى الاعتراف وعلى سبيل المثال نسميه منتدى الاعترافات او يكون فى منتدى الحوار العام قسم خاص بموضوع كرسى الاعتراف وداخل المنتدى الجديد او القسم القسم الجديد
(ايهما اسهل مش هاتفرق) يكون فى توبيك خاص بكل عضو جلس على الكرسى يعنى حاجة كده زى الارشيف يعنى مثلا:
احمد ضرغام على كرسى الاعتراف
ريهام عبد الوهاب على كرسى الاعتراف وهكذا
طالما ان الموضوع متجدد وشكله ان شاء الله مطول يعنى ماشاء الله اعضاء المنتدى فى تزايد (اللهم لا حسد) مش بحسد والله ويارب عقبال ما نبقى مليار عضو
انا متهيألى ان ده هايكون افضل من الوضع الحالى

شكرا على الاقتراح وفعلا هو جارى العمل عليه
وربنا يستر بس فيه شمكلة ان معظم الأعضاء مشغولين فى الفترة الحالية ولذلك تلاحظى ان نشاط المنتدى قليل حبتين عن الأسبوعين اللى فاتوا
بس أوعدك انه جارى التعديل والتنسيق

طبعا انا بأيد رأيك يا ocean's heart ... بس انا خايف ان يحصل قلة مشاركات للمنتدي الاساسي وذي مانتم عارفين كلنا لما بنخش علي المنتدي وبنتابع كرسي الاعتراف بنشوف اي حاجه علي التول بار بنعلق عليها .....فأخشي ما اخشاه ان يؤثر علي المشاركات في اكوازوو2....

(بس اكييد هاتبقي انتي اول المفتتحين للكرسي الجديد .....طبعا بما انك صحبة الفكره)

الف شكر لك يا دكتور عبد الرحمن ولكل فريق عمل اكوازوو على الاستجابه السريعة جدا دى بخصوص كرسى الاعتراف وانا سعيدة ان العمل على الموضوع ده كان بالفعل قائم وده معناه ان الكل بيفكر فى الافضل للمنتدى ويارب المنتدى يكون دائما للامام ودائما للافضل