ocean's heart
05-04-2008, 11:01 PM
السلام عليكم ورحمة الله وبركاته انا بجد زعلانة لانى هاموت واحط صورة توقيع ومستحيل طبعا لان انا لا استطيع كل ما ارفع الصورة واخد اللينك اعمل له copy يطلع لى لينك زى ماهو سبحان الله يعنى انا اقدر احط لينك الصورة لكن كما هو مدون لى اسفل الصفحة لا استطيع انى احط الصورة للتوقيع ياتلحقونى يا ماتلحقونيش:blu1: انا قولتلكم وخلاص بقى ارجو ان حد يتصرف مع العلم ان بجد المشكله مش من عندى لانى بقدر اعمل توقيعى عادى جدا فى اى منتدى اخر انا عملت كل حاجة واستعنت كمان بصديق ومفيش فايده
yokozona
05-06-2008, 02:17 AM
بصي يا ochean's heart تعلي نعمل اضراب وأمرنا لله انا وانت عشان ينزلولنا صور للتوقيع
يا جماعه كده مش هينفع
نحن نطالب سيادة البيه المدير برفع الصور للتوقيع ولكم منا جزيل الشكر والتقدير والإحترام
ocean's heart
05-06-2008, 02:21 AM
انت بتقول فيها انا فعلا قعدت يومين عامله اضراب بس ماقدرتش ورجعت فى كلامى هى دى مصيبة الادماااااااااان بس انا متأكده انهم هايعملوا اللى يقدروا عليه علشان مايزعلوناش ولا ايييييييييييييييه؟
yokozona
05-06-2008, 02:52 AM
انتي هتقوليلي دانا كمان طلعت مدمن أكوازوو
بس أكيد طبعا مش هيزعلونا لأنهم اخواتنا وبيعزونا وبيحبونا
مسلمة منقبة
05-06-2008, 03:45 AM
حلو قوى الادمان دة
هو دة الادمان ولا بلاش
وكدة هنبعد عن عمرو خالد خالص دة ادمان مفيد
suzan
05-07-2008, 10:54 PM
أنت أستعنتي بصديق بس يبقي لسه ليكي فرصتين ، حذف إجابتين وأخد رأي الجمهور جربي وإن شاء الله هتوصلي لحل
:18_1_34[1]:
aymn52
05-07-2008, 11:14 PM
دا ايه الكلام دا
فى حد هنا بيفكر يعمل اضراب
دا عمل تخريبى بكل المقاييس
انتو كدا هتخلونى انزل قوات الامن المركزى
المنتدى وهحوطه داير ميدور واعلن حاله الطوارئ
وشوف مين بقى يا يوكازونا هيسمحلك بموضوع الصوره بتاعه
التوقيع دا
بس عشان اللواء اركان حرب وزير سى اى اه المنتدى
الدكتور احمد دياب هننزل بناء عن طلبه
ونقول المره دى سماح
وهنسمح للاعضاء الجدد والقدام ولكل حبايبنا انهم يحطو
صوره بالتوقيع
yokozona
05-07-2008, 11:38 PM
يا سلام عليك يا أيمن ياحبيبي هي دي الأخبار ولا بلاش تسلم يا غالي وبجد يسلم اللواء اركان حرب وزير سى اى اه المنتدى
الدكتور احمد دياب نصير الغلابه اللي زيي انا و ochean's heart بشكرك قوي يا أبو حميد أخويا وصديقي العزيز
وبصراحه كده انا مستحيل بتاتا البته اني أقدر أعمل اضراب ياعم انا مقدرش أستغني عنكوا ياعم بقولك أنا مدمن أكوازوو
ocean's heart
05-08-2008, 02:13 AM
بجد مش عارفة اقولكم ايه طبعا مشكورين جدا على الاهتمام وبعدين اضراب ايه ده اللى نقدر نعمله كان غيرنا اشطر انتوا برضه بتصدقوا ده انا ويوكوزونا كنا بنضرب طلقتين كده فى الهوى على اساس ان العيار اللى مايصيبش يدوش
أشكرك بجد يا ايمن وتعظيم سلام للواء اركان حرب Cia المنتدى الدكتور أحمد دياب.
aymn52
05-08-2008, 10:13 PM
هوا فى عطب بسيط فى قاعده البيانات اللى بالمنتدى
يعنى اصبرى علينا يومين كدا لما نجيب واحد خبير روسى
يظبط لنا الموضوع دا والتوقيع هينزل ان شاء الله