تبكي


[SIZE="5"]هل تحب ان ينظر اليك احد ودموعك تجري كانها الانهار على وجهك ؟؟؟


هل تعتبر هذا عيبا؟؟

اما عن الانثى


هل تحبين الرجل اذا نزلت دمعته هل تحترمينه؟؟

هل تعتبرين دمعة الرجل ضعفا ؟؟

كثيرا ما أسأل أقاربي من الجنسين عن هذه الدموع فقالت لي إحدي أقاربي بالنسبة لي عندما كنت

صغيرةكنت اكره الرجل الذي يبكي لااعرف بل اعتبره ضعيفا لاينفع فاقول لنفسي انا الفتاة لاابكي امام

احد وهو يبكي ولقد غاب في نفسي لماذا بكى هلالحزن سكنه -- ان ظروف الحياة قهرت نفسه وايضا

من اصعب الاشياءعندما ارى اقرب الناس الي وفخري يبكي الاني اره شامخا قويا لايهزه ريح لكني

اكتشفت انه انسان حزنه من هذه الحياة واشتياقه لاحبابه قد افقده


صوابه فبكي امامي وتذكر الماضي لم اعرف ماذا افعل له لقد تحطم قلبي عليه (وتمنيت لو وضعت

دموعه في طبق من ذهب مرصع بالالماس واحتضنه الى قلبي انه ابي ذلك الشخص العظيم القوي

الصارم يبكي )

عرفت ان الرجل حتى لو كان قويا صارمالابد ان يبكي في يوما ما بين ظروف الحياة القاسيةفلقد تغيرت

نظرتي لدمعة الرجل

أما أنا فنظرتي للدموع أنها الشيئ الوحيد الذي يريح الإنسان من همومه فكثيرا عندما أكون وحيدا في

غرفتي تنهمر دموعي فأتذكر والدتي رحمها الله وأتذكر كيف كانت تحبني وتهتم بي وتدعو لي بصدق

وكيف كانت تغمرني بحنانها الذي ليس له حدود فالآن انا محروم من كل ده مفتقدها بشده وأنظر الي

نفسي وأنني وحيد ليس لي إخوه أولاد أو بنات وأنظر إلي حياتي بماضيها وحاضرهاأنظر الي نفسي

فكثيرا لا أنول ما أتمناه وأنظر إلي والدي وما فعله من أجلي وإلي ما وصلني إليه فأطيعه وأبره(أذكر

موقفا لي معه يوم ما عملت حادثه بالعربية قد إيه كان خايف عليا قوي ويدعي ربنا انه يشفيني

وموقفا آخر لي معه بأنه إختار لي بنت الحلال خطيبتي مع إنني كنت لا أحبها وقتها ولكني وافقت عليها

لأبره وأردله ولو جزء بسيط من فضله عليا مع ان هذا ممكن يكون في ظلم ليا ولخطيبتي ومع ذلك أطعته

وتذكرت الآيه القرآنيه "ولا تقل لهما أف ولا تنهرهما وقل لهما قولا كريما" وحديثا يقول "أنت ومالك لأبيك"

إلي آخره من الآيات والأحاديث

وأنظر إلي أصدقائي ففيهم الصديق الحقيقي وفيهم من يخدعني ويغشني وأنظر إلي كل أقاربي ففيهم

من يحبني بجد ولشخصي كل هذا يشعرني بالبكاء وعندما أتعب من كثرة البكاء فأنام حزينا.

مش عارف أنا بقول الحاجات دي بس حاسس إني عايز أفضفض لأني خلاص مش قادر بجد.

بس أقدر أقول الحمد لله علي كل شئ

كلامك فعلا جميل يايوكو
ومحدش يقدر يقول حاجه بعد كده
وعن طاعة الأب ... مفيش حد عمره هايحب لك الخير وأنك تكون أحسن منه غير والديك
لذلك من واجبنا طاعتهما ومصاحبتهما في الديا
أدعو الله أن يطيل عمر والدك ويعينك علي طاعته
وأن يغفر لوالدتك ويرحمها ويسكنها فسيح جناته
والحمد لله أنك فعلا فاكرها بكل الخير عشا تدعو لها فالمتوفي لايصله إلا الدعاء والعمل الصالح والصدقات الجارية

وع موضوعك ده فعلا شدني جدا الدموع دي أنا شايفها عمه من عند الله فمجرد نزولها يعتبر فائده للتخلص من بعض المواد الزائده بالجسم وكمان نزولها بيعمل غسيل لمجري العي وفوايد طبيه تانيه كتير
أما بالنسبة للحاله النفسيه أنا شايف أنها بتغسل هموم الواحد فعلا وبتريح كتيير
بس برده أنا شايف أن الدموع لما بتزيد عن الحد وتبقي عمال علي بطال دي اللي بتبقي حاجه مش كويسه
وأنا عن نفسي ماحبش دموعي تنزل قدام حد مش ضعف مني بس ماحبش أسبب أي ألأم لحد لأني شخصيا ماقدرش أشوف حد دموعه نازله قدامي ساعتها ممكن ماستحملش الموقف وأقعد أنا أعيط جبه ونغرق الحته بقي ....

شكرا ليك عالموضوع وكويس أنك بتفضفض لأخوانك ده أن شاء الله يساعدك كتير
ومحدش واخد منها حاجه لذلك ماتحطش في بالك وعيش أيامك

انت بجد خلتنى ابكى من كلامك
وصحيت جوايا حاجات كتير

وعلى فكرة الرجل الذى يبكى شخص طبيعى جدا عنده احاسيس مش معنى كدة انه ضعيف بل بالعكس ان الرجل الذى لايبكى اعتبرة غير طبيعى لان البكاء هذا شيئ غير ارادى للتعبير اى شيئ يؤلم وقد يكون لشيئ يفرح

وفعلا انا شوفت بكاء الاب قد ايه بيكون صعب وخاصة عند فراق شريكة العمر وقد ايه بيحس بالوحدة
وفعلا بصراحة اول مرة شوفت اخويا الكبير يبكى عند فراق امى تعبنى كتير يمكن علشان كنت اول مرة اشوفة بيبكى
وكان مثل الاطفال اثر فيا الموقف بجد
البكاء رغم انه دايما بيعبر عن الالم او اى شيئ متعب بس بيريح كتير
والحاجة الوحيدة الى تقدر تعملها وانت ضعيف فى موقف معين مش قادر تعمل حاجة وتقول يارب

اشكرك على موضوعك يا يوكو

السلام عليكم
موضوعك الصراحه مؤثر جدا وبجد ابكاني
واللي جعله مؤثر هو برك بوالدك الرائع اللي صعب الواحد يلاقيه اليومين دول وبجد انا هتشرف لو اعتبرتني زي
اختك....وصدقني خطيبتك اللي انت خطبتها علشان تبر والدك وكنت مابتحبهاش انا متؤكده انها هتكون رائعه وهتحبها جدا بجد ده مش كلام لانك برات والدك ومن رضا والديه رضا الله فاللهم ارضيه
وبالنسبه لدموع الرجل انا لا احب ان اري رجل يبكي لان اذا رجل بكي معناه انه عجز وانهارت الدنيا لان دموع الرجل غاليه جدا ولاتنزل الا للشديد القوىواكثر دموع تؤثر في دموع الرجل الكبير من جحود ابنائه والمظلوم ,
وانا عن نفسي لا احب ان يري دموعي احد مع اني اعلم ان تاثيرها قوي جداولكن عمري ماهنزلها واستغلها
اللهم اجعلني باره بوالدي حتي مماتي واعيش ذليله تحت اقدامهم دون تضجر او ملل وادخلهم جناتك ومتعهم بالصحه والعافيه..واخيرا انا عارفه اني راغيت كتير
بس اتفق معاك ان بقي فيه ممثلين بارعين في الحياه يستهله جايزه اوسكار في الخداع والمشكله انهم عاملين نفسهم اصحابك الانتيخ
لو عاوز تفضفض فضفض هتلاقي اخواتك في المنتدي سامعينك وحاول تصاحب ناس اكتر وما تتركش الدموع تغلبك اغلبها انت زى الاهلي كده

اللهم ارحم موتنا جميعا

نصيحه : عليك بالقرآن واسال مجرب

أنا متشكر جدا علي ردودكوا اللي بجد خففت عني شوية
انا فعلا بعتبركوا زي عيلتي وأهلي بالظبط وبحبكوا جدا
ويشرفني طبعا تكونوا إخوات ليا بجد

انا آسف جدا اني خليت دموعكوا الغالية دي تنزل بس بجد انا كنت مخنوق وحزين وعايز أفضفض شويه لأني كنت حاسس كده اني هموت قلت أفضفض للناس اللي بحبهم بجد ويقفوا جنبي ويواسوني ويخففوا عني انا بجد بحبكوا من قلبي وبعتبركوا فعلا اخوات ليا

ولا يهمك ياعم ياوكا
انا اقولك امتى الراجل يبقى
ودا ليه مكان واحد بس وملوش مكان تانى الصراحه راحه
ان لما تكون مزنوق ومش لاقى حد يطبخلك وجعان تعمل ايه
اكيد هتحاول تعمل اى حاجه
امسك السكينه وفحل بصل من الحته ربع كيلو كدا وحاول تعمل منها اى طبخه
هتلاقى دموع الرجال تنزل علطول ومحدش هيقولك انتا بتعيط ليه لانه لو وقف جمبك هيعيط معاك
هى الدموع من الناحيه العلميه فى افرازها فيه مواد مهدئه للاعصاب وبالتالى بعد اى مشكله الواحد بيستريح لو عيط
لكن على زعم اغلب الشرقيين ان الراجل مستحيل يبكى والا يكون ضعف منه وبالتالى
بيكتم احزانه ومشاكله فى نفسه يقوم غده الادرنالين تفرز سموم فى الجسم بسبب الحاله النفسيه السيئه
اوقات بتوصل العواقب ما بين جلطه فى الدماغ او القلب او اى مرض مفاجئ لا قدر الله ويموت الرجل بكتم اخزانه
فى حين ان المرأه فى بلادنا العزيزه سهل انها تبكى وبتستعمل هذا البكاء لحل اى مشكله عندها
ومتعرفش ان دا مفيد جدا بالصحه ونموت احنا يا معشر الرجال نقصين عمر
وفى الاخر ما فيش حاجه تستاهل اى دمعه حزن لو عييت محدش هيلحقك

ولا يهمك ياعم ياوكا
انا اقولك امتى الراجل يبقى
ودا ليه مكان واحد بس وملوش مكان تانى الصراحه راحه
ان لما تكون مزنوق ومش لاقى حد يطبخلك وجعان تعمل ايه
اكيد هتحاول تعمل اى حاجه
امسك السكينه وفحل بصل من الحته ربع كيلو كدا وحاول تعمل منها اى طبخه
هتلاقى دموع الرجال تنزل علطول ومحدش هيقولك انتا بتعيط ليه لانه لو وقف جمبك هيعيط معاك
هى الدموع من الناحيه العلميه فى افرازها فيه مواد مهدئه للاعصاب وبالتالى بعد اى مشكله الواحد بيستريح لو عيط
لكن على زعم اغلب الشرقيين ان الراجل مستحيل يبكى والا يكون ضعف منه وبالتالى
بيكتم احزانه ومشاكله فى نفسه يقوم غده الادرنالين تفرز سموم فى الجسم بسبب الحاله النفسيه السيئه
اوقات بتوصل العواقب ما بين جلطه فى الدماغ او القلب او اى مرض مفاجئ لا قدر الله ويموت الرجل بكتم اخزانه
فى حين ان المرأه فى بلادنا العزيزه سهل انها تبكى وبتستعمل هذا البكاء لحل اى مشكله عندها
ومتعرفش ان دا مفيد جدا بالصحه ونموت احنا يا معشر الرجال نقصين عمر
وفى الاخر ما فيش حاجه تستاهل اى دمعه حزن لو عييت محدش هيلحقك

يا نهار أبيض يا عم أيمن كل ده وأنا مش عارف طب كويس بقي اني بعيط أحسن كنت أموت فيها وأنا الحيله الوحيد لوالدي

أما بالنسبة ياعم للمطبخ والبصل والكلام ده يانهار مش فايت دانا بعمل شويه أكل تاكل صوابع رجلك وراها بس طبعا بعد ما أعمل كده حريقتين تلاته وشوية كوارث في المطبخ ولذلك طفايه الحريق انا معلقها في المطبخ منها منظر ومنها برده تلحق الكوارث اللي بتحصل

أنا أسفة أنى ماقرأتش الموضوع ده الا دلوقتى
أولا احب أعرفك ياأخى يوكوزوانا أنك تعتبر من أهم أصدقاء المنتدى اللى بقوا بمشاركتهم من ااهم الأصدقاء
أحنا يمكن مش نعرفك شخصيا لكن كلماتك وسطورك حملت معانى جميلة جعلتك صديق عزيز على قلوب كل من فى المنتدى.
واذا قست علينا الدنيا قليلا فأننا نلجأ لأقرب الناس لقلوبنا حتى نفرغ همومنا فيرتاح قلبنا وأنا أشكرك أنك جعلتنا أقرب الناس الى قلبك حتى تفضفض لنا عما فى قلبك.
وأنا فى رأيى الشخصى أن دموع الرجل أغلى دموع وأصدق دموع لأنها لاتنزل الا فى لحظة صدق حقيقية تسقط عندما يدمى قلبه قبل أن تجرح الدموع عيونه فقلبه يجرح لدرجة انه لا يستطيع تحملها
لذلك أنا أحترم هذه اللحظة لأنها لحظة صدق حقيقية.
وبالنسبة لوالديك: رحم الله والدتك وأدخلها فسيح جناته واتمنى ان تبرأها فى موتها بالدعاء لها بالمغفرة والرحمة
وأدام الله لك والدك تحيى فى كنفه وتبراه وترضيه فببرك لهم طريقك للجنة
ويارب يجعل فى خطيبتك زوجة صالحة لك وتعودك بحبها وطعيتها لك عن أى شىء فقدته
ودائما تذكر أنه كلما ضاقت بك الدنيا بأن لك فيها أخوة يحبونك ومنتظرينك ليسمعوا منك ويخففوا عنك
هؤلاء الأخوة متواجدون هنا فى هذا المنتدىاو فى هذا البيت الصغير بيت اكوازووا