بصوا يا جماعة بصراحة انا كنت بتصفح شوية مواقع ولقيت موقع اكيد كلكم عارفينه وهو قهوة كتكوت
الموقع بصراحة حلو
بس لقيت فيها شوية شباب حطين حتت موضوع
عن مواقف يوم الزفاف وكل واحد يحكى بقى
وكان فيه مواقف كتير
طبعا هاحكيلكم موقف وانتم بقى تخشوا على الموقع وتكملوا المواقف لأن التعليقات جميلة
صاحبي دة كان بيحب بنت من ايام الكلية المهم اول ما خلص و اشتغل
راح و اخد بعضة و محدد يوم علشان يقابل ابو البنت
ابو البنت كان لسة جايب عربية جديدة و في نفس اليوم
كان محدد معاد مع شركة التأمين علشان يبعتو واحد
يعمل استمارة تامين علي العربية و من عادة شركات التامين
انهم بيصورو العربية عدة صور فوتوغرافية للتاكد من حالتها
مندوب شركة التامين تاة في السكة و اتصل با ابو البنت عالمحمول علشان يسئال علي العنوان.
المهم صاحبي العريس يعني راح بدري 30 دقيقة بدري عن معادة
ابو البنت فتح الباب دخل صاحبي
الحوار كما تم بين الاثنين....بعد الدخول في الصالون
ابو العروسة: ها الوصفة بتاعت العنوان كانت سهلة يا ابني؟
صاحبي:اة يا عمي متوهتش خالص
ابو العروسة قائلا في سرة امال الحمار دة اتصل بيا لة؟؟
ابو العروسة: واية اخبار سوق التامينات الحال ماشي؟؟
صاحبي في عدم فهم: اة يا عمو ماشي الحمدللة بس انا خريج سياحة و فنادق؟؟؟
ابو العروسة: و مين يا ابني شغال بشهادتة اليومين دول
صاحبي :الي تشوفة يا عمي..
ابو العروسة في سرة( عمي عمي اية الحكاية الواد دة متخلف ولا اية؟؟
ابو العروسة:مش هاننزل علشان نصورها ؟؟
صاحبي في بلاهة: هي مش موجودة هنا؟؟
ابو العروسة في سرة (هي الشركة باعتالي واحد اهبل)
ابو العروسة: لا يا ابني دي واقفة تحت البيت
صاحبنا في استغراب: امال مشفتهاش لية و انا طالع
الاب: اصلي خليت البواب يغطيها علشان متلمش تراب

و يقوم الاب و يسحب صاحبي الي اسفل العمارة و هو يكاد يندلق علي بوزة
و يقول لة الاب :
انت مجيبتش معاك كاميرا علشان تصورها ولا اية؟؟
صاحبي: طيب و لية ما انا عندي صورتها
ابو العروسة:صورة مين يالا؟؟؟
صاحبي: صورة.. وذكر اسم فتاتة..
ينظر لة الاب متسائلا: هو انت مين ؟؟
صاحبي: انا جاي اتجوز بنت حضرتك
المهم الراجل سخسخ علي روحة من الضحك واخد الواد و طلعو البيت
و دلوقتي صاحبي دة خلف عمر عندة 8 شهور ماشاء اللة
وبعد 3 سنين في حظيرة الزوجية
يتمني لو كان تاخر 30 دقيقة بس .><
كان زمانها اتجوزت بتاع التامينات واستريح من اللي هو فية


هههههههههههههههه
الموقع من هنا
اضغط هنا من فضلك (http://www.haridy.com/ib/showthread.php?t=39431)

وطبعا لو حبيتوا نكمل الموضوع عندنا نكمل لو فى حد عارف مواقف
ان شاء الله لو لموضوع عجبكم هاحكيلكم كام حكاية ميه ميه

الموضوع مش عجبنا وبس
الموضوع خطير
ولازم تحكى فى على قد ما تقدر
لانه بصراحة ممتع

شكرا يا عبد الرحمن

واحد صاحبنا مكنش عنده عربية
يعمل ايه
يشوف زمايلة
طبعا زمايلة كلهم فقرية ومعندهومش عربيات بس الحمد لله مطلعين رخ سواقة
ليه معرفش
المهم
راح اتشملل واجر عربيتين
ودنه يفحر ويدور لغاية لما وجد واحد صاحب صاحبة عند ابوه عربية 1300 طبعا عارفينها
دى حاجة كده من ايام 1800
المهم
اخواته عاوزين يزفوه
ركبوا فى العربيات المتأجرة (علشان حلوة)
ابن عمو عنده موتوسيكل حكومة جاوا بتاع ابوه (يعنى ممنوع حد يركبه)
وابن عمه فى الاعدادية بس عاوز يخدمه
خد معاه ابن عمته التانى وركبه الموتوسيكل ومشيوا ورا الزفة (من ورا ابوهم طبعا)
العربية ال 1300 ركب فيها اتنين صحابه ورا تخان جدا علشان يوزنوا العربية بس للأسف واحد كان اتخن من التنى شوية
مش مشكلة ها يا جماعة نتحرك ولا ايه اه الحمد لله
استنوا ..................
العربيات المتأجرة الكلاكس بتاعها بايظ
طيب هانعمل ايه
مش عارف
طيب نتحرك وخلاص الناس مستنيه
طيب توكلنا على الله
تحرك الموكب
وطبعا حركات الشباب بالعربيات بقى وكده
هوب راحوا عند مبنى المحافظة وقصاد المرور بيحودوا ويدخلو يمين
العربية الأولى عدت التانية عدك التالتة الــ 1300 حودت وجدت تاكسى فى طريقها
1300 فيها اتنين تخان علشان يوزنوها بس واحد اتخن من واحد
السواق جه يخش يمين وجد العربية بتحود لوحدها شمال والتاكسى قصادها وفيه ناس وفيه صندوق زبالة حديد كبير على الشمال
يعمل ايه.......



طبعا فادى صندوق الزبالة ودخل فى التاكسى
بس برضه العربية صممت انها تخش على صندوق الزبالة
الحمد لله مفيش حد اتعور
هب بتاع التاكسى نزل والراكب وعيلته نزلوا وبدأت الخناقة
العربية الـ1300 قالت يا فكيك والعربية اللى وراها (العربية اللى فيها العريس) هى اللى وقفت
الراجل السواق قال خلاص
الراكب راسه والف سيف يضرب السواق
هوب جه البوليس والكونستبل (احنا كنا قصاد مرور المحافظة)
طبعا الموتوسيكل ورا
مش عارف ليه ساعتها ملقيش حواليا غير العربية المخبوطة(التاكسى)
والعربية بتاعت العريس مش لحق يمشى
وكل الزفة بالى فيها اختفوا
ينهار مدوحس يعنى حتى لو اتخنقنى هاننضرب
موت وخراب ديار
الحمد لله الراجل بتاع التاكسى طلع شهم وسابنا
ومشينا وعدى الموقف
دخلنا على شارع مدير الأمن (غاويين مشاكل بقى)
وقصاد بيت المدير العربيتين اللى كلاكساتهم بايظة وجدناهم بيظمروا لوحدهم والله
وهاتك يا ظيته
على بال ما طلعنا على اول الشارع لقينا صول وظابط مستنيننا
وهوب اخدوا الرخص
ومعلش يا باشا وعلشان خاطرى وعقبال عيالك
مفيش فايده
طبعا اخد رخص العربيات المتأجرة
بس ومخدش التانيين
والحمد لله العريس فضل يوم الصباحية فى نيابة المرور علشان يجيب الرخص
وصباحية مباركة يا عريس

حلو قوى الموضوع ده واكيد دى جوازة عمرها ماتتنسى

ماشى يا عم عبدالرحمن بتتريق على اللى مش أتجوزوا ، دول ناس غلابة ولا علشان انت أدبست خلاص فنفسك تكون زيهم على العموم عقبالنا أحنا كمان لما ندبس"نتجوز" ، بس بجد الموضوعين احلى من بعض وأكيد هو ده عبدالرحمن ديما لديه الجديد ، وجزاك الله خيرا

على فكرة يا عبد الرحمن
الموضوع ده مشكلة
انا عاوزة كل ما ادخل الاقى حاجة جديدة
وفى نفس الوقت لازم اقرأالقديم

الف شكر وعقبال كل البواقى اللى لسة
ما دخلوش القفص
قفص الزواج مش السجن لا سمح الله

مش معقول محدش عنده مواقف يعنى كل واحد يكتب موقف علشان يبقى جديد
انا لو كبيت كل اللى عندى هايخلصوا (فى حلقتين تلاته)
عاوزين مشاركة مش شكرا والموضوع حلو
مشاركة حقيقية

انا حاسس والله اعلم موضوع العربيه دا حصل فى الزقازيق
اصل المسار دا نفس مسار عربيات الافراح عندنا
بياخدو لوفه لحد المحافظه وفي قدامها نقطه مرور ولما ترجع بترجع على شارع مدير الامن وهناك ممنوع منعا باتا اى صوت يطلع امال ايه
على العموم موضوع جميل بس
اللى ممكن يحكى فيه اكيد المتجوزين اكتر وبالشكل دا اللى مكتوب بيه الكلام مفتكرش حد يتكلم يا سيدى
احسن حاجه اللى حصلو موقف من دول يتكلم ويقولى صاحبى حصله كدا بس يقول

تصدق انك ناصح
انا بقولك واحد صاحبى
هايكون فى مدغشقر يعنى
وقصادالمحافظة وعندا مرور
وصندوق زبالة
تصدق يا أيمن انا كل يوم بأعجب بتفكيرك
انت فعلا زكىىىىىىىىىىىىىى
:d :d :d :d

انا هقولكم على موضوع هو كان مأساة
اكتر منه موقف
حصل مع اتنين اصدقائى من ايام ابتدائى

الاتنين دول بيحبوا بعض من زماااااااااااااااااااااان
وزهقونا فى عيشتنا
من ابتدائى واحنا سوا
واعدادى وثانوى وكلية
وبعد التخرج حصلت خلافات بسبب الماديات
وبصراحة هى كانت مستعدة تضحى لكن اهلها كانوا رافضين

المهم بعد ما حاولنا وعينينا طلعت خلصنا الموضوع ووافقوا

ربنا كرمهم والفرح كان فى نادى فى الاسماعيلية
ما هما اصلا من الاسماعيلية
وبصراحة الفرح كان جميل جدا
لحد لحظة الرقص slow
بدأت المشكلة
كل شوية العريس يدوس على رجل العروسة
ومرة يدوس على الفستان
معذور يا جماعة يعنى هو كان عمل كدة فين قبل كدة
زينا كلنا يعنى
المهم نسيت اقولكم ان الفرح كان على حمام السباحة
وكان روعة
وكل ما نقول خلاص يا جماعة
كفاية رقص
ماهى العروسة هتطق من وجع رجلها
لكن العريس مصر
فرحان بقى
المهم فى مرة من المرات اللى بيدوس على رجلها فيها
العروسة زهقت وراحت خابطة العريس فى صدره بايدها
وكانت هى الخبطة
لقينا العريس صديقنا العزيز فى حمام السباحة


بصراحة انا يومها خدت ابنى ومشيت
ماستنتش لما يطلعوه ولا رضيت اشوف اللى هيحصل

تخيلوا ايه اللى حصل بعد كدة؟
مش مهم

المهم ان هما دلوقتى معاهم ولد وبنت زى القمر

واهى عيشة والسلام

واحد صاحبنا
فرحة كان ميه ميه
المعزيم مكنوش لقيين مكان يقعدة من كترهم
اللى عاوز يرقص واللى عاوز يغنى علشان خاطر صاحبهم
لأ واللى عاوز يقعد جنبة على الكوشة
واللى عاوز يتصور معاه واللى عاوز يهنيه

قامت العروسة ترحب بالضيوف وسابت العيس على الكوشة لوحدة
فجأة كل اللى فى القاعة اتجهم ناحية العريس
ايه يا جماعة فيه ايه
كل الناس عاوزين يهنوه بالفرح
واحد صاحبة مش كفاه كده قعد جنب منه
التانى قال اما اقعد الناحية التانية
جه التالت خدونى جنبكم
الكوشة بتاخد اتنين بس يا جماعة
فجأة كان على الكوشة 99 واحد على الأقل
جه واحد مكفهوش كده اخد ابنه على رجلة وقعد علشان يتصور مع العريس
كل ده كان جميل وبتاع الفيديو بيصور منظر تحفة
فجأة
العريس اختفى هو وصحابة من على شاشة الفيديو
ولاقينا الكوشة بتقع والأضواء فوقيها
حصل ايه فيه ايه
بنبص وجدنا الكوشة اتكسرت وأخدت العريس للأرض و صحابة بدل ما كانوا جنبه أصبحوا فوقيه
والستاير بتاعت الكوشة فوقيهم يعنى العريس جسمه اتكسر
حرام برضه شال لوحدة 99 واحد
ههههههههه
عريس جامد
طبعا وهو مروح مش هايقدر يشيل عروسته
احتمال هيا اللى تشيله
بصراحة كان منظر تحفة
وفى الآخر جابوا كرسيين والعريس والعروسة قاعدوا وسط المعزيم
زيهم زى غيرهم
ههههههههههه
والبقية تأتى

على فكرة أنا عارفة ، على ما أظن أنا كنت حاضر الفرح ده ، بس مش هاقول هو مين ، حبيبى ابو ................. تعيش وتاخد غيرها
:36_2_36::36_2_35::024::36_2_36::36_2_35::024:

بصوا يا جماعه أنا عجبتني قوي مواضيعكم
وسخسخت من الضحك
هقولكم موقف كده بتاع واحد صاحبي
واحد صاحبي أخته كانت بتجوز ويوم فرحها
حب صاحبي ده يعملها جو للفرح
المهم إنه كان مبسوط قوي ورقص رقص
مافيش بعده وماكانش عارف يعبر عن فرحته
أكتر من كده..... المهم
فجأه لاقيته مطلع علبة رشاش التلج كلكوا عارفينها طبعا
المهم العريس والعروسه كانوا ساعتها بيرقصوا slow
قام صاحبي ده رش التلج فوقهم في الهوا ووقع التلج عليهم
وهم بيرقصوا مع بعض
فجأه لاقينا بدلة العريس بعد ما كانت سوده بقت بيضه والعريس
كان زعلان قوي علي بدلته
أما العروسه التلج زحلقها ووقعت
والعريس بدل ما كان زعلان ومضايق سخسخ علي نفسه
من الضحك وقعد يبص للعروسه ويضحك ويشاور عليها ويضحك
مابقيناش عارفين نسكت العريس وهو فطسان علي نفسه من الضحك
صاحبي اداني علبة التلج وخد بعضه وقال يافكيك
أما أنا ادبست فيها ..........
مش هقولكوا ع اللي حصل بعد كده خمنوا انتوا بقي

لعل المانع فى عدم تواجدك الفترة القادمة يكون خير ان شاء الله

يا اخى yokozona

ايه المواقف خلصت؟؟
يا ترى مين عنده موقف مختلف

انا عتدى مواقف جميلة هبقى احكيهلكم
بس انا عارفة بردو العريس الاولانى يبقى مين ضحية الكوشة

بس موضوع يكوزونا دة جميل بردو بس اكيد العريس خد علقة محترمة من العروسة ودبحتله القطة علشان ضحك عليها

بالمناسبة مرة واحد ليلة الدخلة دبح مراتة علشان يخوف القطة

تقول احدى العرائس :


اخذت الوح لصديقاتى منذ بداية الفرح وحتى نهايتة واهلل بيدى
كلما لمحت صديقاتى وبدوت فى شريط الفيديو كالبلهاء

الابتسامة لا تفارق شفتاى :positivo3::positivo3::positivo3:

اما عريسى فكان وقورا محتفظا باتزانة ولا يوزع الابتسامات
:23_11_62[1]:مثلى فاصبحت فى غاية

الخجل كلما طلب منى احد مشاهدة

شريط الفيديو

تقول اخرى:

التقطتنى كاميرا الفيديو

وانا اتهامس مع احدى صديقاتى

على حماتى

وبدت الكلمات واضحة وكنا نضحك بصوت مرتفع

وكانت المفاجاة

عندما عرضت شريط الفيديو لاول مرة امام حماتى واهل زوجى

ولم اكن قد شاهدتة من قبل

وكانت غلطة عمرى حيث اثارت مشكله كبيرة بيننا ولم يكن


ينفع الانكار لان كلامى كان واضحا:natale15:

لسه فى شوية مواقف كمان هبقى احكيهالكم