من طلب العلا يتفضل فى كابينة 4

اللى بيته من ازاز ميغيرش هدومه فى الصالون

فاقد الشىء يدور عليه

اقلب القدرة على فمها الفول يقع منها

تأتى الرياح محملة بالاتربة

يا خبر النهاردة بفلوس بكرة ينزل عليه اوكازيون

اللى معا قرش محيره يجيب حمام ويحمره

قال يا محششين يكفيكوا شر الكمين

جت الحزينة تفرح شغلت شريط حكيم وقعدت ترقص

اللى ياكل لوحده يشبع

لا تبكى على اللبن فى البسكوت

اقطع عرق وحتة بتلو

اطبخى يا جارية الانبوبة فاضية يا سيدى

لو حبيبك عسل متحطلوش طحينة

الى يتلسع من الشوربة يتصل بالمطافى

وبكرة ترجع ريما من عند خالتها فى مارينا

يا داخل بين البصلة وقشرتها حط قطرة عشان هتدمع من ريحتها

ضربوا الاعور على عينه قالهم كسرتوا النظارة

اللى ميشفش من الغربال يكشف نظر

اصوم اصوم و افطر على المدفع


وللامثال بقية
كل سنة وانتم طيبين

يا سلام ده فعلا من الأيام المعاصرة
يعنى نقدر نقول مثل من العصر المعاصر
شكرا

والله الكلام كله مقنع
وياريت تقنعينا دايما بالكلام( المقنع) ده
مش ذي الأمثال (الأصليه) الغير مقنعه
هههههههههه

أحلى ما فى الموضوع طريقة العرض ومن ثم اسلوب العرض ، بس هو من اللى قال ده أه أفتكرت بيقولوا صديق عزيز ، شكرا لكى سيدتى

بجد شوية امثال تحفة

ومبطلش ضحك من اول واحد

عجبك كدة وجعتيلى بؤى من الضحك
ها ها ها