السلام عليكم

واحد زهق من الدنيا فراح خمارة عشان يشرب وكان أول مرة يخش خمارة وميعرفش شكل السكرانين
فشاف اثنين قاعدين بيكلموا بعض فقعد جنبهم عشان يسمع بيقولوا ايه
ودار بينهم هذا الحوار

مساء الخير-
مساء النور-
أنا شفت حضرتك قبل كده فين-
والله أنا كمان حاسس ان انا شفتك قبل كده-
هو الأخ منين-
من القاهرة وحضرتك-
منين من القاهرة-
من المعادي-
غريبة أنا كمان من المعادي-
مش معقول حضرتك منين في المعادي-
من شارع التحرير-
لأ مش ممكن أنا كمان من شارع التحرير-
معقول منين باظبط-
عمارة رقم 45-
انت بتهزر أنا كمان في عمارة 45-
شوف الدنيا ياأخي نبقي في عمارة واحدة وأول مرة نتقابل-
حضرتك في أنهي دور -
الدور العاشر الشقة اللي على اليمين-
لأ أكيد بتهزر أنا كمان في الدور العاشر الشقة اللي ع اليمين-
يا سبحان الله نبقى في شقة واحدة ومبنشفش بعض-

طبعا صاحبنا كان هيتجنن خلاص فاضطر يسأل الراجل صاحب البار على هذا الوضع الغريب

فقال له متحطتش في بالك ده واحد و أبوه كل يوم ييجوا يسكروا عندنا

حوار بين فلاح مصري ومذيعة مصرية برده

المذيعة : نتعرف بحضرتك

الفلاح : عوضين

المذيعة :ممكن تقولنا بتأكل البقر ايه ؟

الفلاح : أي بقر الأحمر ولا الأبيض

المذيعة : الأحمر

الفلاح : بأكله برسيم
المذيعة : طب والأبيض

الفلاح : برده برسيم

المذيعة : طب ممكن تقولنا بتنيمهم فين
الفلاح : الأحمر ولا الأبيض
المذيعة : الأحمر
الفلاح : في العشة اللي هناك دي

المذيعة : طب والأبيض

الفلاح : برده في العشة اللي هناك دي
المذيعة : طب بتفسحهم ازاي

الفلاح : الأحمر ولا الأبيض

المذيعة : الأحمر
الفلاح : بلففهم حولين الساقية
المذيعة : طب والأبيض

الفلاح : برده بلففهم حولين الساقية

المذيعة: هو أنا ليه كل أما أسألك سؤال تقولي الابيض ولا الحمر وفي الاخر بتطلع
بتعاملهم نفس المعاملة ؟
الفلاح : أصل البقرالاحمر بتاعي

المذيعة : طب والأبيض

الفلاح : برد ه بتاعي

هههههههههههههه شلل بجد
بس المهم أن البقر طلع بتاعه