الموضوع يختص بالامر Refresh او f5 والذى نتعامل معه فى اليوم اكثر من مليون مرةولا احد
يعلم ماذا يفعل بهذا الامر او نستخدمه غالبا بطريقة خاطئة

لو سألت احد يقوم بعمل هذا الامر للكمبيوتر سيجيبك اجابة غريبة فيقولك اصله بيفرفش الجهاز او بيفوقه وكمان بيخليه يحمل بسرعة

طبعا اجابة لا تستند الى اى سند علمى منطقى او هندسى،اذن ماذا يفعل هذا الامر؟؟
لنفهم ذلك يجب ان نعود الى الوراء قليلا منذ 12 عام ايام ويندوز 95 لو حد منكم كان اشتغل عليه

ايام ويندوز95 لم يكن هناك وجود لهذا الامر Refresh وهذا كان يسبب العديد من المشاكل
مثلا لو قمت بنسخ ملف من او الى الديسك توب ممكن الا تراه بعد اتمام هذه العملية
وتتساءل اين ذهب الملف او الفولدر ،وكان الحل الوحيد انك تقفل الصفحة اللى فيها الملف وتفتحها تانى،يا ترى ايه الفكرة؟
لان اى صفحة بتفتح بيتعملها load يعنى تحميل وبالتالى بتظهر امامنا كل مكونات الصفحة وكمان الملف اللى كان مختفى

وده كان الحل الوحيد للمشكلة ايام ويندوز 95 .وكمان كان فى نوع تانى من المشاكل
انك تضع اسطوانة فى الدرايف و تتفاجأ بان اسمها لم يظهر او تخرجها و يظل اسمها
موجود و ظاهر.كان الحل انك برضه تقفل الصفحة عشان تحمل تانى ويظه فيها التغيير
اللى حصل

بعد ذلك ظهلر ويندوز98 وكانت معاه نفس المشكلة.لكن مايكروسوفت حلت المشكلة
مع الاصدار الثانى من ويندوز 98 windows98 second edition وزودت امر Refresh عشان
المستخدم اللى بيعانى من ان ملفاته مبتظهرش يستخدم هذا الامر اى ان هذا الامر يعتبر بمثابة reload للصفحة اللى فيها مشاكل وتظهر محتويات الصفحة

وهو ده الموضوع واعتقد اننا بدأنا نفهم شوية وظيفة الامر Refresh

المشكلة ان هذا الامر مش خفيف لان اعادة تحميل محتويات الصفحة عملية غير سهلة
ومع ذلك تجد من يعانى من اى تقل فى الجهاز يضغط بسرعة على هذا الامر طبعا ده غلط لان الجهاز مش ناقص تقل،وهو موجه للمنطقة اللى انت بتعمل حاجة فيها لكن
مش هيعمل اى حاجة فى الجهاز المهنج
يعنى مثلا واحد بيفتح وورد والبرنامج بيفتح بالعافية فتلاقيه عمال يدوس على الامر Refresh ،طيب ايه العلاقة بين الامر ده وبين الديسك توب وبين الوورد
الجهاز مش ناقص يتقل اكتر من اللى هو فيه

هذه المشكلة الكبيرة وقعنا فيها بسبب معدومى الخبرة من مدعى المعرفة بالكمبيوتر
والناس مظلومة ومش فاهمة وماشيين وراهم وخلاص

ارجو ان تفيدكم هذه المعلومة
انا شخصيا كنت بستعمل الامر Refresh بنفس الطريقة اللى فيها جهل دى
لكن بصراحة من ساعة معرفت المعلومة دى وانا بطلت والحمد لله
كل سنة وانتم طيبين